E njoftuar vetëm një ditë përpara lançimit, Call of Duty Warzone është e disponueshme për tu shkarkuar në të gjitha platformat e gjeneratës së tanishme, me përjashtimin e Nintendo Switch. Pyetja është se si mund ta shkarkoni?
Duke qenë se është një eksperiencë free-to-play për të gjithë, nuk do të keni nevojë që të keni Call of Duty: Modern Warfare të shkarkuar, sado që kjo ndihmon në madhësinë e file-it që do të shkarkoni.
Për këdo që tashmë e ka Modern Warfare, hapi i parë është që të siguroheni se keni lojën e plotë të shkarkuar. Pasi të sigurohei futuni në menunë kryesore dhe Warzone do të jetë aty si një opsion, duke zëvendësuar atë që më parë quhej “Classified“. Për ata që e kanë lojën shkarkimi do të jetë rreth 18-22 GB në madhësi.
Nëse nuk e keni blerë Modern Warfare shkoni në PSN Store ose Microsoft Store dhe kërkoni për Warzone. Nëse jeni në PC, sigurohuni që të keni të instaluar Battle.net dhe si rregull duhet t’ju dalë si opsion në anën e majtë të listës së lojërave. Për fatin tuaj të keq ky shkarkim do të jetë 83-101 GB në madhësi.
Është gjithë ai download, ndaj sa më shpejt ta filloni aq më mirë. Kjo ishte e gjitha.