Night Mode në Warzone duket fantastike, por si mund të funksionojë?

Warzone hedh 150 lojtarë të Warzone në Verdansk, ku vetëm një skuadër mund të dali fitimprurëse, por çfarë do të ndodhte nëse gjërat do të bëheshin pak më të errëta në mode-in battle royale?

Si do të dukej night mode në Warzone?

“Po sikur Warzone të kishte një night mode?”pyeti një përdorues i redit, teksa prezantonte konceptin e tij në një këndvështrim pak më ndryshe të atmosferës së hartës.

Në këtë ide, ndriçimi i lartë me të cilin janë mësuar lojtarët është zhdukur dhe i gjithë sfondi është nën dritën e hënës, duke u shfaqur shumë më misterioz se ç’është zakonisht.

Ndërtesat janë të ndriçuara nga brenda, por nga jashtë nuk është e ndezur asnjë dritë. Lojtarët do të duhet të ishin më vigjilentë se kurrë.

Si do të luhej?

Komponenti multiplayer i Modern Warfare ka disa harta që janë dizenjuar për Night-Vision mode. Duke marrë parasysh se studioja tashmë ka sisteme të ndryshme ndriçimi, koncepti i Night Mode në Warzone mund të jetë mjaft i natyrshëm.

Teksa lojtarët do të hasin vështirësi në identifikimin e armiqve, të gjithë konkurentët duhet të jenë të pajisur me syze për shikim natën.

Night Modes janë kërkuar shumë edhe në lojëra dhe battle royale të tjera dhe ka patur lojëra që ja kanë dalë ta bëjnë të funksionojë. Ndoshta edhe Infinity Ward do të sjellë një variant të saj. Vetëm koha do na e tregojë.