Kur lojtarët vdesin në Call of Duty: Warzone, atyre ju jepet një mundësi e dytë për të shlyer gabimet e tyre në një 1v1. Ata dërgohen direkt në Gulag, një bllok burgu në zemër të Rusisë, vetëm me një pistoletë në duart e tyre. Nëse ata mbijetojnë, janë të lirë ti bashkohen sërish betejës dhe të vazhdojnë lojën normalisht.
Kjo është ajo që supozohet të ndodhë, por për një lojtar, gjërat nuk shkuan sipas planit. Ai e fitoi Gulagun, por në vend që të parashutohej me shokët e tij të skuadrës më vonë, ai bëri spawn direkt në gaz. Pas tre sekondash me ekran të zi dhe ca kollitjeve në sfond, lojtari u eleminua.
Gazi në Warzone, ose ndryshe elementi i rrethit, është një nga më të rrezikshmit në lojën battle royale. Nëse e gjeni veten në të pa një maskë gazi, keni marrë fund. Kjo gjë i detyron lojtarët të jenë të kujdesshëm për vendndodhjen e tyre, duke i bërë që ta shohin shpesh hartën dhe ti përdorin automjetet në avantazhin e tyre.
Në këtë skenar, lojtari nuk kishte një opsion arratisjeje dhe bug-u që e shkaktoi, i dha fund lojës së tij. Si rregull lojtarët duhet të bëjnë spawn aty ku u eleminuan në Gulag, po gjithmonë duhet t’ju jepet koha të arratisen nga gazi.
Në fund të ditës, ky është një bug që Infinity Ward duhet ta rregullojë përpara se lojës ti bashkohen edhe më shumë lojtarë.