Call of Duty: Warzone arrin 50 milion lojtarë në muajin e parë

Njerëzit nuk ngopen mesa duket me këtë Battle Royale

Pesëdhjetë milion lojtarë kanë rënë në Call of Duty: Warzone që nga fillimi i lojës në muajin e kaluar, njoftoi sot publikuesi. Activision e bëri njoftimin dje, 10 prill, pasi Warzone fillimisht u publikua për publikun në 10 mars. Më parë, u njoftua se 30 milion lojtarë e luajtën atë në 10 ditët e saj të para.

Loja free-to-play Battle Royale, e disponueshme për cross-play mes PS4, PC dhe Xbox, ka qenë një hit që kur doli. Hackers dhe problemet e ekuilibrimit të gameplay e kanë dëmtuar që nga atëherë, por njerëzit ende duket se po e shijojnë lojën e Infinity Ward.

Activision ka ndarë numrin e ri të lojtarëve, 31 ditë pas publikimit të lojës. Krahasuar me mbretërit e tjerë të Battle Royale si, Apex Legends me 50 milion lojtarë në 28 ditë dhe Fortnite që arriti 45 milion llogari të regjistruara në 16 javë, sipas analistit të industrisë Daniel Ahmad.

Warzone ishte gjithashtu loja më e luajtur falas në PlayStation Network muajin e kaluar, ndërsa Modern Warfare ishte loja më e paguar, edhe pse u lëshua gjatë tetorit. Përditësimi i sezonit të tretë të Modern Warfare filloi të mërkurën, 8 prill, duke shtuar harta të reja për multiplayer, Operatorë të rinj, dy armë të reja dhe skuadra me katër persona në Warzone.