A ka nevojë bota për një film me historinë e origjinës së Willy Wonka? Patjetër që po. Projekti ka filluar dhe zyrtarisht ka edhe një datë lançimi. Momentalisht ai mendohet të vijë në kinema në datë 17 mars 2023, me produksionin që do të fillojë në katër muaj.
Warner Bros ka zhvilluar prequel-in për afërsisht pesë vite tashmë. Ata kanë edhe disa emra në mendje për rolin kryesor. Këtu përfliten Timothée Chalamet dhe Tom Holland.
Regjizori Paul King do të jetë në krye të projektit, ndërkohë që Simon Rich, skenaristi pas Amrican Pickle, ka shkruajtur skenarit. Detajet për plot-in nuk po zbulohen, por dimë që filmi do të fokusohet në ditët e hershme të WIlly Wonka, përpara se të hapte fabrikën e famshme të çokollatave.
Do të jetë tepër interesante ta shohim këtë film. Unë për vete do bëhem palë me Timothée Chalamet për protagonist. Nuk e di përsa por nuk e imagjinoj dot fytyrën e Tom Holland me atë prerjen e flokëve tipike të Johny Depp, kur e ka luajtur rolin.