Loja është shumë larg asaj çka ishte premtuar
Loja është shumë larg asaj çka ishte premtuar
Warcraft 3: Reforged u lançua në 28 janar 2020 dhe fansat nuk janë aspak të lumtur. Madje, ajo është tashmë loja me vlerësimin më të keq nga përdoruesit në Metacritic.
Tashmë që lojtarët kanë kaluar pak ditë duke luajtur remaster-in e një prej RTS më popullore të lançuara në 2002, më shumë se 17,000 lojtarë i janë drejtuar Metacritic për të folur për problemet e lojës, duke nisur nga premtimet e thyera dhe veçoritë që mungojnë e duke kaluar tek problemet me serverat.
Me thuajse 30 herë më shumë review negative se sa pozitive, nota mesatare që i kanë dhënë përdoruesit është 0.5/10. Madje, fillimisht një lojë tjetër, Day One: Garry’s Incident ishte loja më e keqe me një vlerësim 0.4, por lojtarët e çuan vlerësimin e kësaj loje në 0.9 vetëm e vetëm që Warcraft 3: Reforged të jetë loja më e keqe në Metacritic.
Blizzard ende nuk ka bërë asnjë deklaratë publike mbi këtë situatë. Tashmë kanë kaluar disa ditë dhe është fare e qartë që një shpjegim rreth asaj se çfarë ka ndodhur, pse loja u lançua në këtë gjëndje dhe se çfarë do të bëjë Blizzard në të ardhmen. Ka kohë që marrëdhënia midis fansave dhe Blizzard është mjaft e tensionuar dhe ky incident duket thjesht si gabimi më i fundit, por që mund t’iu kushtojë shumë zhvilluesëve.
Kemi parë që dhe lançime të tjera të këqija janë bërë më pas lojëra të mira. The Master Chief Collection dhe No Man’s Sky janë të parat që të vijnë në mendje, të cilat erdhën me shumë probleme dhe polemika, por që tani janë të dyja lojëra mjaft të mira. Pritet ende të shohim se çfarë do të bëjë Blizzard me Warcraft 3: Reforged.