Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Të shtënat që lanë dy të vdekur në qytetin Halle të Gjermanisë në datë 9 tetor, duket të jenë transmetuar live në Twitch nga i dyshuari.
Dy njerëz u vranë në një akt dhune në qytetin lindor të Gjermanisë ditën e mërkurë. Policia është shprehur se i dyshuari është momentalisht në arrest.
Amazon, kompania pronare e Twitch konfirmoi për median se incidenti në fjalë ishte transmetuar live në platformën e tyre në momentin që kishte ndodhur. Twitch dha menjëherë një deklaratë pasi zbuloi se personi që po qëllonte ishte duke e përdorur platformën gjatë aktit të tij të dhunës.
“Jemi të shokuar dhe të trishtuar nga tragjedia që u zhvilluar sot në Gjermani. Ju dërgojmë ngushëllimet më të thella të gjithë të prekurve nga kjo situatë.” Tha një përfaqësues i Twitch.
“Twitch ka zero tolerancë për përmbajtje të tilla në platformë dhe çdo akt dhune i shfaqur merret shumë seriozisht. Jemi duke punuar urgjentisht për ta hequr këtë klip dhe për të pezulluar përgjithmonë çdo adresë që gjendet duke e postuar ose e shpërndarë klipin e këtij akti tragjik.”
Rasti i Gjermanisë nuk është i pari që sulmuesi përdor një platformë transmetimesh live për të publikuar aktin e tyre në tentativë që të tërheqin më shumë vëmendje në veten e tyre.
Kompani të tjera kanë hasur probleme të ngjashme në të shkuarën, si Facebook Live në rasitin e të shtënave në xhaminë e Zelandës së Re, incidenti që mori jetën e 50 njerëzve.
Facebook tha se ju desh të hiqte mbi 1.5 milion video të sulmit që u postuan jo më larg se 24 orë pasi ndodhi. Le të shpresojë që edhe Twitch të jetë në gjendje ta zhvendosë këtë klip nga platforma e tij sa më shpejt të mundet.
