Një prej 5 kampionëve do të zgjidhet nga ne për t’u bërë rework
Një prej 5 kampionëve do të zgjidhet nga ne për t’u bërë rework
Riot Games, zhvilluesi i League of Legends, po ju jep mundësinë lojtarëve të votojnë se cilin prej personazheve të lojës duan që të update-ohet. Në një njoftim të publikuar ditën e djeshme, ata veçuan pesë kampionë që janë prioritet për ta, dhe thanë se do i lejojnë lojtarët të votojnë se cili prej tyre ka më shumë nevojë për ndryshime të mëdha në gameplay-n e tyre.
Dr. Mundo, Fiddlesticks, Nocturne, Shyvana dhe Volibear janë të gjithë në rradhë për një VGU, Visual & Gameplay Update, një sistem në të cilin Riot “ridizenjon një kampion nga fillimi, përfshirë këtu gameplay-n, pamjen, historinë, animations, zërin…gjithçka“. Është një sistem i cili ka kohë që përdoret, por drejtori i kampionëve të rinj në Riot Ryan “Reav3” Mireles ka thënë se pas numrit të madh të VGU kohëve të fundit, nuk ka më dhe aq kampionë problematikë të ngelur në lojë.
Megjithatë, të gjithë kampionët në listë kanë padyshim nevojë për pak dashuri. Reav3 thotë se shumë prej tyre kanë probleme në gameplay-n e tyre në lidhje me historinë dhe fantazinë. Për shëmbull, Nocturne duhet të jetë më i ngjashëm me një fantazëm tmerruese ndërsa personaliteti prej dragoi i Shyvana-s duhet të jetë më i ndryshëm nga forma e saj njerëzore.
Dr. Mundo është përjashtimi nga ky rregull dhe Reav3 thotë se “aftësitë e tij i kanë rezistuar kohës“. Atij do t’i duheshin disa animations të reja dhe W dhe E-ja e tij padyshim që kanë nevojë për ndryshime, por në përgjithësi ai është mbase kandidati që ka më pak nevojë.
Për mendimin tim, këtë rework e meritojnë një midis Volibear dhe Fiddlesticks. Volibear duket në pamje të parë mjaft interesant, por kur e luan kupton se ai është thuajse i padobishëm në qoftë se nuk ka një ekip vërtetë të mirë për t’a ndihmuar, ndërsa Fiddlesticks supozohet të jetë një dordolec i frikshëm, i cili kërcen nga hijet për t’ju tmerruar, por në fakt thjesht e ecura e tij të bën të qeshësh me lot dhe është pa dyshim jo i frikshëm. Gjithashtu, Q dhe E e tij janë disa prej aftësive më acaruese në lojë e nuk mendoj se jam i vetmi që e ka këtë mendim. Vota ime shkon për të.
Ju mund të votoni kampionin tuaj të preferuar për t’u bërë rework në linkun që u postua më lart në këtë artikull. Keni kohë deri ditën e enjte për t’a bërë këtë gjë. Kjo nuk është hera e parë që Riot e ka bërë këtë gjë, pasi më herët ata kërkuan mendimin e lojtarëve për skin-et e Tristana dhe Illaoi.
Pavarësisht se kush fiton, na duhet të presim deri në 2020 sipas Riot. Deri atëherë, duhet të presim për rework-un e Mordekaiser, Pantheon, zbulimin e një AD Assassin-i të ri në Jungle, një tjetër kampion ende të pazbuluar si dhe të luajmë pak me Yuumi, kampionin më të ri të lojës.