Kjo do të jetë loja e parë kryesore e serisë që nga 2013.
Kjo do të jetë loja e parë kryesore e serisë që nga 2013.
Nëse keni qënë fans i lojërave Saints Row dhe keni kohë që prisni për një lojë të re, THQ Nordic dhe Volition Studios kanë një lajm të mirë për ju. Një lojë e re Saints Row duket se është në zhvillim e sipër, sipas raportit më të fundit të investitorëve të THQ Nordic.
Kjo lojë e re Saints Row, ndryshe nga expansion-i Gat Out of Hell që u lançua në 2015 pas Saints Row 4, është e para lojë e plotë Saints Row që prej lançimit të Saints Row 4 në 2013. Shumë nga ne mund të pyesin veten se si një lojë e re Saints Row mund t’ja kalojë Saints Row 4.
Seria Saints Row fokusohet rreth bandës kriminale të quajtur Third Street Saints, e cila drejtohet nga Boss, personazhi i lojtarit. Edhe pse loja nisi fillimisht si një klon i Grand Theft Auto, Saints Row u kthye shpejt në një lojë krejtësisht të vetën, pasi filloi ta ironizonte dhe të krijonte një parodi nga Grand Theft Auto.
Saints Row 3, për shembull, u fokusua te Saints që shndërroheshin në miliardera të medias dhe të cilët detyroheshin të nisnin nga 0 në qytetin e Steelport, ndërkohë që konkurronin me bandën rivale Syndicate, por kjo nuk është asgjë në krahasim me 4.
Saints Row 4 u zhvillua në një simulim kompjuterit të ngjashëm me Matrix, ku Saints u vendosën pasi një rracë aliene e quajtur Zin pushtoi botën. Brenda kufizimeve të botës kompjuterike, personazheve iu jepen superfuqi dhe armë nga më të ndryshme për të shkaktuar kaos. Oh, dhe të mos harrojmë që Boss është president i SHBA.
Duke patur parasysh se në fund të Saints Row 4 Saints arritën të zbulonin sekretin e udhëtimit në kohë, ka mundësi që loja e re Saints Row ta përfshijë dhe këtë në historinë e saj, duke i dhënë mundësi Saints të bëjnë çtë duan gjatë lojës.
Nuk kemi asnjë detaj mbi lojën e re Saints Row, si për shembull datën e lançimit, si do të jetë historia dhe në çfarë platformash do të lançohet loja, por shpresojmë që kur ajo të vijë të arrijë të përmbushë të gjitha pritshmëritë e vendosura nga lojërat e mëparshme të serisë.