Riot zbulon më shumë gameplay në Viper në Valorant

“Mirësevini në botën time…“

Nëse donit të shihnit më shumë Valorant, sot është dita juaj me fat. Riot Games zbuloi më shumë gameplay për njërën prej agjenteve të lojës, Viper.

Ekspertja amerikane e toksinave shihet në një situatë 1v3, ku tregohen të gjitha aftësitë e saj. Fillimisht, ajo përdor Poison Cloud për të bllokuar shikimin nga një zonë në të majtë, ndërkohë që bllokon shikimin në të djathtë me Toxic Screen.

Ajo vret një kundërshtar kur toksinat e saj mbarojnë dhe më pas aktivizon ult-in e saj, Viper’s Pit. Kjo lëshon një re toksike të madhe që qëndron për sa kohë Viper është brenda saj. Kundërshtarët brenda resë gjithashtu bëhen më të dallueshëm. Kjo tregohet në fund të klipit, kur Viper vret lojtarin e fundit që po përpiqej të çaktivizonte bombën.

Duke u bazuar tek klipet e Riot, Viper duket një mjeshtre e zone control. Poison Cloud dhe Toxic Screen e ndihmojnë shumë një ekip të kalojë pa u parë, si dhe lojtarët për t’u larguar nga luftimet e këqija. Aftësia e saj Snakebite gjithashtu mund të përdoret për të ndaluar kundërshtarët ose për t’i nxjerrë ata nga ku janë fshehur.

Aftësia ultimate e Viper është fantastike për të mbrojtur bombën, pasi i lejon asaj të shohë njerëzit që lëvizin në re, si dhe duke ulur shikueshmërinë e tyre. Në të njëjtën kohë, ajo është shumë e mirë edhe në mbrojtje, pasi ajo mund të bllokojë shikueshmërinë e bombës dhe mund ta çaktivizojë atë në fshehtësi.