Javën e kaluar u pa publikimi i trailerit të shumëpritur të F9, i cili përveç shfaqjes së një makine duke përdorur një litar ure për tu lëkundur nëpër një kanion gjigant, bëri tease kthimin e karakterit të preferuar të fansave, Han. Tani, Vin Diesel ka zbuluar se planet për filmin e dhjetë tashmë janë duke u zhvilluar, dhe projekti i ardhshëm mund të jetë dypjesësh.
Në një intervistë për Total Film (përmes GamesRadar), Diesel tha se Fast and Furious 10 mund të ndahet në dy filma për t’u bashkuar me F9 në krijimin e “trilogjisë për t’i dhënë fund sagës”. Kjo do të thotë që ekskluziviteti FF mund të bashkohet me traditën e madhe të filmave si Twilight: Breaking Dawn, Harry Potter And The Deathly Hallows, dhe The Hunger Games: Mockingjay për të sjellë një finale duke e ndarë historinë në dy filma të veçantë. Sinqerisht, duket mjaft e përshtatshme, duke pasur parasysh gjithçka që filmat e Fast & Furious kanë bërë deri më tani.
Diesel vazhdoi të shpjegojë se planet për filmin e dhjetë janë përhapur për ca kohë tani. “Unë fillova të planifikoja për Fast 10 para se të fillonim xhirimet e Fast 9. Universi është aq i fortë dhe aq i pasur me talent dhe histori sa që, në një nivel, është plotësisht e mundshme të kesh spinoff, dhe unë mendoj se kjo është diçka që është e pashmangshme. Universal e meriton atë për shkak të asaj që ata kanë investuar në këtë sagë të vogël, dhe do të ishte mirë t’i jepja përsëri Universal. Dhe për fansat, a nëse pjesët një dhe dy i Fast & Furious 10 të jenë përfundimi, do të ishte të jetë mirë që kjo botë të vazhdojë edhe për brezat që vijnë”.
Pra, nga ç’kuptojmë, ndërsa linja kryesore e ekskluzivitetit mund të marrë fund me një film të dhjetë me dy pjesë, Diesel është më se i hapur për spin-off dhe histori anësore në të ardhmen. Gjëja më e rëndësishme për të marrë këtu është që kjo do të thotë se ka absolutisht ende një shans që familja e Dom do të përfundojë duke shkuar në hënë në një moment, edhe nëse nuk ndodh në sagën kryesore të FF. Gjithmonë ka shpresë. Mos hiqni dorë nga ëndrrat tuaja.