Villagers kanë luajtur mendsh në update-in e fundit të Minecraft

Sipas Mojang ky është update-i më i madh deri tani për Minecraft

Java Edition i Minecraft, besojeni ose jo ende merr update. Më i fundit që ajo pati, më saktësisht versioni 1.14, quhet Village & Pillage. I njoftuar vitin e shkuar në Minecon Earth dhe i vënë në praktikë këtë javë, sjell pafund ndryshime në lojë. Këtu mund të përmendim sende të reja, blloqe dhe tipare si harqet, pandat dhelprat dhe pemë bambu, sepse me çfarë do ushqehen pandat (get it.. he he).

Mojang shkroi në blogun e tij se: “Nëse do e dinim se sa shumë punë do na duhej për të sajuar update-in më të madh që ka patur ndonjëherë Minecraft, ndoshta do kishim zgjedhur rrugën e lehtë dhe nuk do e kishim bërë fare.”

Gjithsesi duket se problemet nuk rrinin dot pa e nxjerrë kokën. Mbi të gjitha te Villagers që duket të kenë luajtur mendsh me update-in e ri. Lojtarët i kanë kapur duke vjedhur krevate, duke iu marrë tokat, duke fjetur në shtratet e tyre, duke vrapuar vërdallë dhe në një rast duke ngjitur dhe zbritur shkallët gjithë natën.

Në një rast dhe më ekstrem pastaj, villagers janë gjetur duke u çiftuar në shtëpinë e një lojtari. Personi në fjalë u shpreh se nuk kishte asgjë kundra çiftimit të tyre, por thjesht nuk preferonte që ta bënin në shtëpinë e tij.

Update-i sjell shumë ndryshime, ndaj është normale që mund të shkaktonte disa probleme për villagers. Gjithsesi le të shpresojmë që problemet të zgjidhen së shpejti dhe që villagers të gjejnë një vend ku të flenë rehat.