Video e fushatës së Donald Trump përdor muzikën e League of Legends

Duket se Trump është një ndjekës i vjetër i LoL… apo është thjesht rastësi?

Fansat e vjetër të League of Legends në Europë padyshim që do të kenë nostalgji kur të shohin videon e fundit të Presidentit të SHBA Donald Trump në Twitter. Në këtë video, e cila tregon premtimet e mbajtura nga Presidenti Trump që prej zgjedhjes së tij, ka një muzikë mjaft të njohur për ta.

Lojtarët me kujtesë dhe dëgjim të mirë mund të vënë re se muzika që përdoret në video është e njëjta muzikë e cila është vendosur gjatë champion select në LCS Europe (tani LEC) përpara disa vitesh.

Ndërkoë që shumë fansa i kanë kërkuar Riot të kërkojë të drejtat e autorit ndaj presidentit për përdorimin e muzikës, në fakt kjo këngë nuk është e Riot. Ajo vjen nga kompozitori dhe producenti gjerman Gregg Lehrman dhe është një prej këngëve që Riot përdor lirisht në transmetimet e tyre.

Kjo gjithashtu u mbështet dhe nga producenti i transmetimeve të LEC, i cili tha në një tweet se ata përdorin muzikë origjinale, muzikë të licensuar nga palë të treta dhe më shumë.

Nëse keni nostalgji, më poshtë mund të dëgjoni këngën e plotë:

Lehrman ka kompozuar kolona zanore për disa filma të mëdhenj si Avatar dhe Marvel’s Avengers, por gjithashtu edhe për shfaqje si Saturday Night Live.

Pra, edhe pse Presidenti nuk do të ndëshkohet për përdorimin e këngës, padyshim që ky është një throwback i bukur për fansat e vjetër të LoL.