Pas disa viteve në zhvillim Death Stranding është më në fund këtu mes nesh, duke marrë disa opinione të padëgjuara më parë në industrinë e gaming. Përtej asaj që mund të thuhen në aspektin kritik, nuk mund të mohoet që Hideo Kojima i ka parë dhe interpretuar gjërat në një mënyrë personale.
Krijuesi i lojës foli së fundmi për frymëzimin që ai ka patur për ta bërë atë. Gjatë një interviste, Kojima zbuloi origjinën e propozimit të Death Stranding dhe çfarë ka dashur të shprehë ai përmes lojës. Sipas fjalëve të tij, puna mbi lojën ka ardhur nga një ndjenjë vetmie që ka qenë prezente me të, që kur ai ka qenë fëmijë.
“Kur kam qenë fëmijë jam ndjerë dhe vazhdoj të ndjehem pak i vetëm. Kam patur vështirësi të shprehesha me miqtë e mi. Ishte diçka që nuk thuhej dhe nuk mendoj se ata do e kishin kuptuar në fakt. Ndjehesha si një person i çuditshëm, pak a shumë si Travis Bickle në Taxi Driver. E identifikoja veten me personazhin në filmin e Scorsese dhe fakti që një njeri në New York do të kishte të njejtat ndjenja si unë më bëri të kuptoja që nuk isha i sëmurë, por thjesht i lidhur me të tjerët në një mënyrë melankolike.”
Ishte pikërisht kjo lloj lidhjeje mes indivdëve, që nuk bëhej domosdoshmërisht në mënyrë të drejtpërdrejtë, ideja që qarkulloi në kokën e Kojima për të sjellë atë që sot e njohim si Death Stranding.
“Death Stranding paraqet një personazh që kryen porosi në një të ardhme post-apokaliptike. Ai duhet të endet i vetëm në këtë lloj izolimi dhe të bashkojë një shoqëri plotësisht të dëmtuar. Por, teksa luajmë Death Stranding, kuptojmë që ka në fakt me mijëra prej nesh që po e luajnë lojën, prej strukturave të ndryshme që ne kemi ndërtuar dhe që mbeten në një mjedis të përbashkët. Ti nuk i shikon fytyrat e avatërve ose lojtarëve të tjerë, por ajo që ata lënë pas të jep idenë e kohezionit dhe qetësisë përballë botës së ashpër të Death Stranding.”
Death Stranding është e disponueshme për PlayStation 4 dhe së shpejti për PC.