Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Nuk i vëmë faj.
Hideo Kojima ka theksuar disa herë se loja e shumëpritur e tij, Death Stranding do të krijojë zhanrën e saj të veçantë në botën e videolojërave, në të njejtën mënyrë siç bëri edhe Metal Gear Solid në fillimet e saj. Kjo është një nga arsyet se përse krijuesi japonez ka pranuar se edhe tani, pak javë përpara lançimit të saj në PS4, ai ende nuk e kupton në tërësi videolojën e tij.
Në një intervistë për Death Stranding Kojima bëri deklaratën e mëposhtme: “Edhe tani, unë nuk e kuptoj akoma lojën. Tërësinë e saj, gameplay-in, çdo gjë është e re. Misioni im është që të krijoj një zhanër që për momentin nuk ekziston dhe kjo do i çudisë të gjithë. Sigurisht është diçka që ka risqet e veta.”
Përgjatë javëve të fundit Kojima është përpjekur ta kategorizojë Death Stranding në një zhanër të caktuar lojërash, për të qartësuar edhe më shumë dyshimet e fansave dhe ndjekësve të tij.
Hideo Kojima gjithashtu foli edhe për industrinë e videolojërave, që ai e përkufizon si një industri të varur nga arti, duke theksuar ndryshimet që ka në raport me kinemanë.
“Ka histori në botën e kinemasë që për njerëzit e gjeneratës time mund të jenë të haitshme, por për gjeneratën e lojtarëve nuk janë.”
Ai vazhdoi të shpjegonte më tej se në videolojëra “duhet të ketë realitet” në veprimet që ndërmerren “që gjithçka të funksionojë” në mënyrën e duhur. “Një banane duhet të jetë e ngrënshme pasi i heq lëkurën dhe një makinë duhet të jetë e lëvizshme.” Krahasoi ai.
Në Death Stranding ju do të udhëtoni në një të ardhme të largët, në të cilën shoqëria ka kapur pikën e saj më të ulët pas disa eventeve dhe rrethanave të caktuara. Në këtë kaos, qëniet njerëzore strehohen pas teknologjisë dhe përfundojnë plotësisht të izoluar nga njëri-tjetri.
Si Sam Porter Bridges, i portretizuar nga Norman Reedus, ju duhet ta sillni prapë së bashku këtë shoqëri dhe të përpiqeni të vendosni kontakt mes pak njerëzve që kanë mbetur gjallë në këtë realitet tragjik. Ju nuk do të jenë as në rolin e një ushtari, as të një heroi dhe as të një mutanti.
Ju jeni një profesionist në krye të organizatës BRIDGES, misioni i të cilës ka qenë gjithmonë bashkimi i komuniteteve të mbetura në botë. Detyra juaj është që të transportoni disa pako dhe rezerva të një rëndësie shumë të madhe, duke mbajtur në dorën tuaj fatin dhe të ardhmen e njerëzimit.
Death Stranding nuk do të ketë një ekran game over nëse ju vdisni, përkundrazi loja do ju çojë në një dimension ku duhet të luftoni dhe të shmangni vdekjen, për tu kthyer në realitetin tuaj.
Death Stranding është ndërtuar në Decima Engine, që është në pronësi të Guerrila Games dhe i implementuar në lojëra si Horizon: Zero Dawn. Me ndihmën e Mark Cerny, arkitekt të PS4 dhe menxher të hardware-ve të Sony, loja gjithashtu ka aspekte shumë të arrira kinematografike, që prezantohen në grafika 4K dhe HDR.
Death Stranding do të vijë në 8 nëntor si ekskluzive për PlayStation 4.
