Eventi i dytë i We The People do të vijë live në Fortnite javën e ardhshme në 28 korrik. Kjo u njoftua dje nga Epic Games. Këtë rradhë tematika do të jetë për mënyrën se si e drejta e votës po ndikon komunitetin afrikano-amerikan. Bashkëbisedimi do të mbahet në eventin We The People x More Than A Vote.
Eventi brenda lojës do të sjellë të ftuar të rinj. Prezantuesi Cari Champion do të drejtojë bashkëbisedimin me lojtarin e MLB Jason Heyward, reperin dhe aktivistin Bun B, ish lojtarin e NBA Jalen Rose, aktoren Ybonne Orji dhe reperin Russ.
Eventi do të transmetohet njëheresh edhe në Fortnite edhe në Houseparty në datë 28 korrik, duke filluar në 6pm CT. Nëse e humbni, We The People do të ri transmetohet disa herë, më saktë çdo orë për 22 orë rresht në 29 korrik.
Të gjithë lojtarët që do të jenë në eventin e Party Royale në të dyja datat, 28 dhe 29 korrik, do të marrin Verve emote falas. Ky emote është modeluar sipas kërcimit të sjellë nga Michael Mejeh, fituesi i #EmoteRoyaleContest.
Për të ruajtur një mjedis të respektueshëm në Party Royale, të gjitha emotet do të bëhen disable gjatë eventit.
SI TË SHIKONI WE THE PEOPLE X MORE THAN A VOTE
- Hapni Fortnite
- Selektoni mode-in battle royale
- Futuni në Party Royale playlist dhe drejtohuni në ekranin e madh të ishullit
- Prisni që eventi të fillojë në 6 pm CT, që me orën tonë i bie 1 am
- Vazhdoni bisedën me miqtë tuaj