Mund të doni t’i hidhni një sy Steam.
Mund të doni t’i hidhni një sy Steam.
Së fundmi Valve i ftoi të gjithë përdoruesit e Steam të provonin versionin Beta të librarisë së re të Steam. Nëse keni qenë një nga fatlumët që e panë përpara se të bëhej zyrtare, tashmë e dini se çfarë të prisni, por për pjesën tjetër mund ta shihni tani, sepse dizajni dhe funksionet e reja janë të disponueshme për të gjithë.
“Një falenderim nga zemra për të gjithë ata që e provuan Library gjatë betës. Do të vazhdojmë të sjellim përmirësime dhe veçori të reja të bazuara në pyetjet dhe feedback-un tuaj.”
Ndoshta mendoni se libraria e re do të ketë një dizajn të ri vetëm nga ana vizuale, por në fakt ka një sërë ndryshimesh të tjera përsa i përket mënyrës së përdorimit. Libraria e re do ju japë mundësi të shikoni se çfarë ndodh në komunitetin e gaming, që të mund të zbuloni edhe më shumë mbi gjërat që ndodhin rreth e përqark lojërave që luani më shumë.
Krahas kësaj, përmes homepage-it të Steam Library, do të mund të shikoni edhe lojërat që po luajnë shokët tuaj. Kjo e fundit ka për ta avancuar shumë paltformën nga ana sociale.
Një tjetër funksion i librarisë së re është sektori i eventeve, falë të cilit tani mund të zbuloni update-et dhe kontentin e ri të koleksionit tuaj të lojërave. Në këtë mënyrë nuk keni për të humbur kurrë asgjë.
Ky funksion gjithashtu do ti ndihmojë zhvilluesit të jenë më të lidhur me fansat e tyre. Këtu po i referohemi një nga opsioneve , që mundëson transmetimin e videove ose materialeve të tjera te komuniteti. Një funksion ky që tashmë është i disponueshëm te zhvilluesit.
Jemi që jemi te steam, EA para disa ditësh sugjeroi rikthimin e lojërave të saj në të. Kjo gjë tashmë është e konfirmuar dhe kompania ka dhënë datat e laçimit të disa prej lojërave të saj në Steam.