Lufta mes piratëve dhe Digital Rights Management vazhdon të degradojë dhe viktima më e fundit ishte Denuvo 5.2. Ky është një protection-software i cili debutoi para një jave. U deshën vetëm 4 ditë që ti behej crack!!!
The Quiet Man nga Square Enix dhe Football Manager 2019 nga Sega ishin dy lojërat e para që vunë në përdorim Denuvo 5.2. Ky i fundit u lançua në 1 nëntor dhe u bë crack në 5 nëntor nga një grup i quajtur FCKDRM.
Këto cracks u vërejtën nga DSOgaming. Kur Denuvo mori masa ligjore kundër Voskit (një nga crackersat më të mëdhenj atë kohë), ritmi i këtyre cracks-ave u ul dukshëm. Atë kohë ishte në përdorim Denuvo 4.9. Shining Resonance Refrain, një prej lojërave u bë crack pas një dite. Jurassic World Evolution, pas tre muajve dhe lojëra si Monster Hunter World ende mbeten të paprekura.
Gjithsesi duket sikur kemi aktivizimin e grupeve të tjera për këto punë. Kjo nuk do të thotë se Denuvo ka marrë fund. Në kohët e sotme, cracks-at vijnë shpesh, por në raste të tjera vonohen edhe me muaj. Ndaj beteja ka shumë gjasa të vazhdojë zhvillimin e saj në të ardhmen.