Së bashku me informacionin teknik mbi to
Së bashku me informacionin teknik mbi to
Nuk kanë ngelur shumë për të parë tek eventi Unpacked i Samsung më 11 Shkurt, pasi pothuajse gjithçka ka dalë për celularin Galaxy S20; Galaxy Z Flip dhe Galaxy Buds+. Tani vjen një leak më zyrtar, pasi Samsung postoi aksidentalisht imazhe në faqen e saj të Galaxy S20 dhe WinFuture arriti të merrte imazhet përpara se ata t’i fshinin përsëri.
Imazhet konfirmojnë emrin e telefonit duke heshtu ata që ende pretendojnë se telefoni i ardhshëm i Samsung do të jetë Galaxy S11. Vrima e kamerës selfie dhe paraqitja e kamerës së pasme janë gjithashtu të dukshme, dhe ne gjithashtu shohim një version të ri gri.
Galaxy Buds + e rinj gjithashtu nuk mbartin sekrete, duk qenë se dhe një zbulues fotografish me emrin Evan Blass, zbuloi të gjitha veçoritë e kufjeve të ardhshme të Samsung. Pra, është e qartë se janë më të mira se paraardhësit e tyre. Madhësia mbetet e njëjtë dhe vetëm pesha ndryshon, pasi tani është përfshirë një bateri më e madhe, e cila tani mban gati dy herë më shumë kohë për muzikë. Karikimi gjithashtu është i shpejtë.
Është e rëndësishme të theksohet se Buds + tani do të ketë një woofer dhe një tweeter në secilën pajisje, dhe një mikrofon i dytë i jashtëm është shtuar për të përmirësuar cilësinë e telefonatave. Samsung madje do të lëshojë një aplikacion të veçantë iOS siç mund ta shihni në foton më lart. Së fundmi, çmimi i tyre do të jetë vetëm 20 dollarë më shumë sesa gjenerata e mëparshme.