Halloween është shumë pranë dhe sigurisht për të festuar rastin lojërat kanë sjellë plot content brenda tyre me këtë tematikë. Gjithsesi, tani mund të festoni edhe me një lojë falas, pasi ju mund të luani Vermintide 2 falas në Steam deri në 1 nëntor.
Për ata që nuk janë të njohur me të, loja co-op ju vendos në një skuadër me katër veta, ku misioni i secilit është të mbyllë Skittergates, të sfidojë autoritetin e Chaos dhe përgjithësisht të kënaqet duke luajtur.
Ju duhet të zgjidhni një nga pesë heronj, nga ku secili ka setin e tij të aftësive si edhe një set unik armësh që i përshtatet secilës. Ta keni parasysh që tani që do të përballeni me shumë armiq, prej të cilëve shumë kërkojnë bashkëpunimin në skuadër për t’u mposhtur.
Drejtohuni në Steam pra për të marrë Vermintide 2. Loja është gjithashtu me 75% ulje përgjatë javës që është falas. Keni mundësi të përfitoni nga kjo deri në datë 1 nëntor.