Vendimi i Black Ops 4 për të mos përfshirë një ‘single player mode’ u pati reagime të përziera. Ndërkohë që shumë ishin indiferentë ndaj ndryshimit dhe e shihnin ‘multiplayer’ si më të rëndësishëm, disa të tjerë ishin të zhgënjyer që seria dukej se po largohej nga origjina e lojës autentike. Këta të fundit do të jenë të lumtur të dëgjojnë se Infinity Ward po punëson një ‘Narrative Scripter’, duke nënkuptuar që loja e 2019 do të shohë kthimin e ‘single player’.
Që nga 2014, lojërat e Call of Duty janë krijuar duke variuar tre studiot e zhvillimit: Sledgehammer Games, Treyarch, dhe Infinity Ward. Ka pak informacion në lidhje me titullin e vitit të ardhshëm, i cili është në duart e Infinity Ward, por ka pasur zëra të shumtë dhe thashetheme që sugjerojnë se po punojnë për Modern Warfare 4 për 2019.
Titulli i lojës në vetvete është një tregues shumë i fortë që ‘single player’ është duke u rikthyer në Call of Duty, siç thotë dhe deklarata, “Një dëshirë e fortë për t’i sjellë jetë lojërave përmes zbatimit natyror dhe kinematografik të performancës vokale”. Për fat të keq, kjo mund të mos i referohet ‘single player’. Black Ops 4, në fund të fundit, do t’i bashkëngjisi një lloj rrëfimi për secilin prej ‘multiplayer Specialists’ por në përgjithësi, deklarata përfundimisht na drejton drejt një eksperience tradicionale kinematike.
Kthimi i ‘single player’ nuk është i vetmi zbulim i momentit.Thashethemet flasin se loja e panjoftuar do të jetë për “platforma të shumëfishta të ardhshme”. Është e çuditshme të dëgjosh se titulli tjetër i Infinity Ward do të jetë i ‘next-gen’ (domethënë për gjeneratën e re të konsolëve), meqë viti 2019 duket shumë herët për PS5 dhe Xbox Scarlet për t’u lëshuar. Duke pasur parasysh këtë, është e mundur që loja në fakt nuk do të dalë në vitin 2019, ose që loja do të lëshohet në konsolët e tanishëm, si dhe në gjeneratën e ardhshme të konsolëve në një datë të mëvonshme.
Është interesante të shihet që Call of Duty do të rikthejë përfshirjen e ‘single player campaign’, por jo befasuese, sidomos nëse loja e 2019 është Modern Warfare 4. Seritë e ‘Modern Warfare’ u kritikuan pozitivisht për rrëfimet e tyre kinematike dhe prodhimin e disa nga personazhet më të mira të ekskluzivitetit. Karaktere të njohura si Captain Price dhe “Soap” MacTavish. Shumë fansa të serive do të ishin të zhgënjyer për të parë një Modern Warfare të re pa një histori, por nëse thashethemet janë të vërtata, atëherë nuk ka asgjë për t’u shqetësuar.
Video-loja e Call of Duty për 2019 është aktualisht në zhvillim, ndonëse nuk është konfirmuar ende asnjë hollësi.