Riot ka konfirmuar se tre kampionë do të vijnë këtë vit
Riot ka konfirmuar se tre kampionë do të vijnë këtë vit
League of Legends e nisi 2020 me zbulimin e Sett, kampionin e parë nga lista e atyre që do të vinë në këtë vit. Riot Games konfirmoi se edhe 3 kampionë të tjerë do të vinin gjatë vitit. Një prej tyre do të zbulohet veçmas, ndërsa dy të tjerët gjatë eventit të verës.
Riot zbuloi pak më shumë informacion mbi kampionët e rinj. Fillimisht, njëri prej kampionëve duket se është shfaqur dhe më herët në historinë e lojës dhe përshkruhet si “një kampion i maskuar që refuzon të vdesë“. Historia përfshin dhjetëra personazhe nga universi i Runeterra dhe besohet se kampioni i ri do të jetë Yone, vëllai i Yasuo.
Në videon e publikuar muajin e kaluar, producenti kryesor i ekipit të kampionëve të League of Legends Ryan “Reav3” Mireles hodhi shenja drejt kampionit të ri, duke thënë se “disa demona duhet të mbeten në të shkuarën.” Ai gjithashtu përmendi se një kampion do të vijë nga historia, siç ndodhi me Senna në 2019.
Edhe pse nuk është konfirmuar asgjë, lojtarët e League of Legends kanë filluar të mendojnë se kampioni i ri do të jetë vëllai i Yasuo, Yone. Sipas historisë së lojës, ai është një luftëtar i fortë dhe një model për vëllain e tij më të vogël Yasuo. Megjithatë, pasi kërkoi të zbulonte të vërtetën rreth vrasjes së mjeshtrit të tij, Yasuo u ndooq nga vëllai i tij, i cili besonte se ai ishte fajtori.
Aftësitë e Yone ishin më të dobëta se ato të Yasuo dhe ai u vra nga i vëllai. Edhe pse arsyeja e vërtetë e vdekjes së mjeshtrit u zbulua më vonë, Yasuo ende përndiqet nga faji i vrasjes së vëllait.
Prandaj, edhe pse Yone është teknikisht i vdekur në histori, disa aspekte të historisë përshtaten me shenjat. Përshkrimi se ky kampion refuzon të vdesë të bën të mendosh se ai është tentuar të vritet ose është vrarë më parë. Yasuo padyshim që ka demona nga e shkuara e tij, duke patur ndjesin e fajit për vrasjen e të vëllait.
Yone gjithashtu është shfaqur në Legends of Runeterra, gjë që sugjeron se ai po bëhet një personazh më i plotë në universin e Runeterra. Edhe pse ai nuk është i maskuar në lojë, Yasuo disa her shfaqet me një maskë dhe ka mundësi që dhe Yone të shfaqet kështu në League of Legends.
Edhe pse asgjë nuk është ende e sigurt dhe kampioni i ardhshëm në League of Legends mund të jetë dikush tjetër, duket se Yone është një prej mundësive më të mira për të qënë i rradhës.