Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Duket se telefoni është një Galaxy Fold me një shtresë ari përsipër
Para pak kohësh, vëllai i Pablo Escobar premtoi të lançonte një telefon të palosshëm për $349, për të cilin u fol shumë, duke marrë parasysh se telefona të tjerë të ngjashëm si Samsung Galaxy Fold dhe Huawei Mate X kushtojnë deri në $2000. Por, pas pak kohësh u harrua tërësisht, përveç nga personat që e kishin bërë pre-order. Madje, një përdorues krijoi edhe një website duke treguar se pse e gjithë kjo është një mashtrim.
Mesa duket, tashmë ka një Escobar Fold 2, i cili do të jetë falas për këdo që ka bërë pre-order versionin origjinal. Madje, një prej përdoruesëve e morri Escobar Fold 2.
Në mënyrë aspak surprizuese, Escobar Fold 2 është thjesht një Samsung Galaxy Fold i mbuluar në ar, gjë që vihet re menjëherë kur ndez telefonin dhe shikon Samsung OneUI. Escobar Inc duket se nuk është munduar për të ndryshuar software-in brenda telefonit, por të paktën wallpaper-i është fotoja e Pablo Escobar kur u arrestua.
Është ironik fakti që Escobar Inc po mundohet të shesë telefonat Samsung si të tyret, duke parë se kompania ka postuar në YouTube një video duke shkatërruar Samsung Galaxy Fold 5G dhe disa telefona të tjerë Samsung me një vare.
Disa mund të mendojnë se kjo është një ofertë shumë e mirë, pasi ata mund të marrin një Galaxy Fold për më pak se çerekun e çmimit, por me shumë mundësi këta telefona janë fallco dhe nuk ja vlen të blihen.
