Microsoft i ka kërkuar përdoruesve të tij të mos fryjnë tym vape-i në konsolat e Xbox Series X. Lajmi vjen nga adresa zyrtare e Xbox në Twitter. Kompania është shprehur si më poshtë:
“Nuk mund ta besoj që duhet ta themi këtë, por ju lutem mos fryni tym vape-i në Xbox Series X.”
We can't believe we have to say this, but please do not blow vape smoke into your Xbox Series X.
— Xbox (@Xbox) November 11, 2020
Arsyeja pse Microsoft e pa të nevojshme që ta sqaronte këtë ishte për shkak të një videoje që po qarkullonte online, ku po dilte tym nga një Xbox Series X. Arsyeja për këtë presupozohej të ishte një defekt.
Për të ndaluar përhapjen e informacioneve të gabuara, një adresë Twitter-i e quajtur Xbox Studio konfirmoi se efekti mund të rikrijohej me një vape. Nëse e ndizni konsolën dhe freskueset e saj aktivizohen, po të drejtoni tym vape-i mbi të, do të krijohet i njejti efekt.
Pa merak gjithsesi, pasi probabiliteti që konsola juaj të nxjerrë tym nga nxehja është shumë shumë i ulët. Praktikisht ktë gjë po përpiqet të sqarojë edhe Microsoft përmes këtij tweet-i.