Valve përjashton një numër rekord lojtarësh në muajin dhjetor

Sistemi Valve Anti-Cheat (VAC) kapi dhe ndaloi një numër rekord lojtarësh në dhjetor, më shumë se 600,000 u përjashtuan atë muaj dhe shumica e tyre ishin lojtarë të Counter-Strike: Global Offensive.

Eksperti i CS:GO Nors3 ka postuar një grafik që tregonte se vetëm në muajin dhjetor janë përjashtuar 609.373 lojtarë.

Numrat e tij përafërsisht përputhen me ato të SteamDB-në i cili numëronte   611,492 lojtarë te përjashtuar. SteamDB gjithashtu tregon raportin ditor të përjashtimeve ,duke parë këtë raport mund të themi me plotë gojë se Valve ka nisur një fushatë për pastrimin e CS:GO nga Hacker-at.

Popullariteti i Counter-Strike ka arritur kulmin që kur loja ka prezantuar një modalitet ”Battle Royale” i quajtur Danger Zone dhe ishte free-to-play. 20 milionë lojtarë u përfshinë në Danger Zone numër ky i cili nuk pritej as nga krijuesit e lojës.

Por përkundër numrit të madh të përjashtimeve, lojtarët ende ankohen se hacker-at janë një problem në CS: GO, dhe shumë prej tyre janë të bindur se ata janë përhapur më shumë që kur loja u bë Free-To-Play.

Duket se ka ende punë për t’u bërë.