Valve hedh shenja drejt rikthimit të një arme të vjetër në CS:GO

Arma do të rikthehet në kohë për të festuar 20-vjetorin e lojës

Me vetëm disa javë përpara se komuniteti i Counter-Strike të festojë 20-vjetorin e serisë, fansat e CS:GO po bëhen gati për një rikthim të madh për të festuar dy dekadat e lojës.

Valve duket se i ka nisur festimet pak më herët, me një postim Throwback Thursday që i sjell shumë nostalgji lojtarëve.

Në një postim ditën e djeshme, zhvilluesit treguan një lojtar terrorist duke vrapuar në long A pasi vendosi bombën në Dust 2 klasik.

Pak përpara se të arrinte në pit, ai u kthye dhe nxorri thikën klasike nga lojërat e mëparshme të serisë ndërkohë që bomba shpërtheu në sfond.

Për ata që nuk e njohin (që nuk besoj të jenë shumë), thika që ai po mban është nga Counter-Strike 1.6, një version i update-uar i lojës origjinale Counter-Strike, e cila u lançua në 2000.

Shumë lojtarë të vjetër profesionistë të CS:GO e kanë nisur karrierën e tyre duke marrë pjesë fillimisht në CS 1.6. Loja u lançua në 2003 pas një viti në beta dhe deri më sot mbetet update-i më i madh në historinë e Counter-Strike, pasi solli në lojë armë të reja, një ndërfaqe tërësisht të re dhe erdhi gjithashtu me versionin e parë të Steam.