Ata vërtet e urrejnë numrin 3..
Ata vërtet e urrejnë numrin 3..
Valve, nëpërmjet një deklarate për shtyp, i kanë dhënë fund zërave që kanë qarkulluar kohët e fundit se Left 4 Dead 3 është duke u zhvilluar. “Kemi parë zëra gjatë muajve të fundit rreth kësaj teme. Eksploruam përpara disa vitesh për një kohë të shkurtër opsionet e Left 4 Dead në gjeneratën e tanishme, por kemi kohë që nuk punojmë për asgjë të lidhur me L4D. Është e qartë se disa po argëtohen duke publikuar informacione të rreme. Fatkeqësisht, tani për tani, L4D nuk është diçka për të cilën po punojmë.”
Zërat filluan kur imazhe që dukej se vinin nga Left 4 Dead 3 u publikuan online. Një tjetër leak thoshte se një lojë VR Left 4 Dead do të publikohej në The Game Awards.
Për më tepër, një përfaqësues i HTC në Kinë foli për Left 4 Dead 3 në një prezantim të tijin, gjë që i bëri fansat të entuziazmoheshin. Megjithatë, Valve i dha fund të gjitha spekulimeve.
Ka kaluar një dekadë që prej lançimit të Left 4 Dead 2 në 2009. Edhe pse loja ka mbetur e gjallë nga mods dhe campaigns të rinj, ka vite që nuk flitet për një lojë të re Left 4 Dead dhe përgënjeshtrimi i zërave i ka zhgënjyer dukshëm fansat e serisë.