Valve ka nevojë për JU! Ky është mesazhi që ka ardhur nga zhvilluesi në një postim në blog, duke i kërkuar fansave të bëjnë skine të reja për Dota 2 gjatë 2020ës.
“Teksa një vit i ri vjen në heronjtë e universit të Dota, dhe garderoba e djeshme fillon të bëhet më bajatë, do të donim të ftonim të gjithë krijuesit e Dota 2 Workshop që të mendojnë për mënyra të reja se si heronjtë e tyre mund të duken më mirë teksa hyjnë në këtë vit të ri. Tashmë jemi duke pranuar zyrtarisht çdo krijim që jeni frymëzuar të krijoni, pa asnjë lloj kufizimi sezonal ose tematik.”
Lojtarët kanë kohë deri në 2 mars për të dorëzuar krijimet e tyre të rrobave të personazheve, por kini parasysh që nuk lejohet të përdorni gjak, dhunë ose kafka njerëzish. Valve është gjithashtu duke inkurajuar fansat të vizitojnë Workshop rregullisht për të votuar në variantet e tyre më të parapëlqyera.
Numri i lojtarëve të Dota 2 ka qenë në rënie kohët e fundit, me numrin mesatar të lojtarëve që ka arritur pikën më të ulët prej gjashtë viteve. Lëvizja e fundit nga Valve mund të jetë një tentativë për të rritur interesin në lojën MOBA.