Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një epokë e re e shit-blerjeve dixhitale mund të ketë filluar.
Tregu i shitjeve fizike të lojërave është duke u shuar, një gjë kjo që ka lënë ndikimin e saj dhe në shumë kompani si puna e GameStop. Gjithsesi versionet dixhitale të lojërave gjithmonë kanë patur një disavantazh, fakti që përdoruesit nuk mund ti rishesin. Kjo madje shpesh edhe i ka frenuar lojtarët në të bërin e blerjeve të tilla. Gjithsesi një ligj i ri në Francë ka vendosur që Valve duhet ti lejojë përdoruesit e Steam të kenë të drejtën e rishitjes së lojërave, duke hapur kështu një rrugë të mundshme rreth ridistributimit dixhital.
Ky rregull erdhi nga Gjykata Rajonale e Parisit pas afërsisht tre viteve diskutim. Vendimi është një fitore madhore për UFC-Que Choisir, një grup Francez për të drejtat e klientit që ka qenë në beteje me Valve për këtë problem. Tani kompania do të detyrohet të anullojë shumë pika në marrëveshjen e saj për përdoruesit, përfshirë këtu pjesën që ndalonte rishitjen e lojërave dixhitale në platformë. Kjo do të lërë ndikim të madh në shërbimet e kompanisë në BE, pasi Valve do të lejojë një farë tregu të dorës së dytë për lojërat dixhitale.
Një ndodhi e tillë do të lërë gjurmët e saj përgjatë gjithë botës dhe jo domosdoshmërisht vetëm për Steam. Nuk është e vështirë të marrësh me mend që dhe pika të tjera të shitjeve dixhitale do të marrin masa të njejta në të ardhmen. Valve është duke bërë ndryshime në Steam që tani, por ky i rradhës do të ketë një ndikim masiv në platformë.
Nuk është nevoja të themi se sa do të emocionohen fansat që duan ta spastrojnë pak librarinë e tyre nga ky vendim. Mendohet se ky ligj do të aplikohet edhe në microtransactions. Lojtarët ndoshta nuk do të shesin loot të zakonshëm, por për ato rastet kur një loot box ta punon keq, kjo mund të jetë një zgjidhje e dytë mjaft optimale.
Një ide e tillë gjithashtu ngre shumë pyetje. Sa do të kushtojë një key i shitur në krahasim me një të blerë drejtpërdrejt nga Steam? Një kod dixhital nuk mund ta humbi vlerën, ndaj edhe mund të shitet për të njejtin çmim që është blerë. Pjesa më e keqe për këtë mund të jetë te zhvilluesit e lojërave. Me konceptin e rishitjes dixhitale, numrat e shitjeve totale për kompanitë zhvilluese padiskutim që do të ulen ndjeshëm. Lojtarët nga ana tjetër besoj se do të kënaqen jashtëmase me këtë vendim.
