Ja se si krahasohen dy FPS-të taktike me njëra-tjetrën
Ja se si krahasohen dy FPS-të taktike me njëra-tjetrën
Loja e ardhshme FPS nga Riot Games, Valorant, ka marrë shumë vëmendje gjatë kohëve të fundit. Me closed beta tani që ka nisur dhe lojën që po thyen rekorde në Twitch, shumë e kanë pagëzuar Valorant me emrin “CS:GO e re” ose “vrasësja e CS:GO“, ose thjesht si një përzierje e Counter-Strike dhe Overwatch. Megjithatë, sa të ngjashme janë lojërat e Riot Games dhe Valve?
Riot Games i ka premtuar lojtarëve se Valorant do të mund të luhet nga shumë lojtarë në mbarë botën. Duke kërkuar parametra shumë të ulëta, loja do të mund të luhet nga thuajse kushdo me 30FPS, ndërkohë që shumë do të kenë mundësi ta luajnë atë me 60FPS dhe më shumë. Në mënyrë të ngjashme me CS:GO, parametrat e sistemit janë një barrierë shumë e vogël, por diferenca midis monitorëve 30, 60 dhe 144Hz është shumë e madhe.
Përveç kësaj, Valorant do të ketë servera 128-tick, gjë të cilën shumë lojtarë të CS:GO e kanë kërkuar po Valve ende nuk ka sjellë. Riot gjithashtu premton një sistem fantastik anti-cheat, diçka me të cilën CS:GO gjithashtu ka hasur shumë probleme.
Për sa i përket gameplay-t të lojërave, CS:GO dhe Valorant janë shumë të ngjashme. Ndeshjet e të dyja lojërave janë 5v5, por në Valorant ekipi sulmues duhet ta vendosi bombën në një prej 3 sites ose të vrasi ekipin mbrojtës.
Mekanikat e goditjes në Valorant janë identike me ato të CS:GO. Çdo armë ka një spray pattern të veçanntë që lojtarët duhet ta mësojnë. Saktësia ulet kur lojtari lëviz, duke i detyruar lojtarët të bëjnë peek, të ndalojnë dhe të gjuajnë për të qënë plotësisht të saktë. Lojtarët gjithashtu vrapojnë më shpejtë me thikë ose me armë më të lehta, ndërkohë që lëvizjet e lojtarëve janë në përgjithësi të ngadalta.
Valorant, ndryshe nga CS:GO, ka një shumëllojshmëri personazhesh që zgjidhen përpara çdo ndeshjeje. Këta personazhe kanë aftësitë e tyre së bashku me një ultimate që duhet të karikohet me kalimin e kohës. Ato janë thuajse e njëjta gjë me mjetet ndihmëse në CS:GO. Disa prej tyre funksionojnë si flashbangs, smokes dhe molotov në CS:GO, ndërkohë që të tjera si retë helmuese, healing dhe teleportimi nuk kanë aspak lidhje.
Edhe pse kjo duket si një diferencë e madhe, shumica e aftësive janë thjesht ndihmëse. Edhe pse disa ultimates mund të kthejnë një luftim, ato nuk mund të përdoren çdo raund, por gjithsesi ky është ndryshimi më i madh mes dy lojërave.
Armët e Valorant janë shumë të ngjashme me ato të CS:GO. Ka 6 kategori armësh: Sidearm, SMG, Rifles, Shotgun, Sniper dhe Heavy. Kur shikon kategorinë Sidearm, Frenzy duket identike me CZ-75, ndërkohë që Sheriff ngjason shumë me Desert Eagle. Snajperi Operator duket si binjakja e AWP nga CS:GO.
Edhe pse janë të ngjashme, Valorant ka shumë më pak armë se CS:GO. Megjithatë, shumica e armëve në CS:GO nuk përdoren në ndeshje kompetitive për shkak se meta e armëve nuk ndryshon. Pritet të shohim nëse një meta e tillë do të krijohet edhe në Valorant.
Shields janë të ngjashme me Kevlar në CS:GO. Riot ka implementuar një sistem me Light dhe Heavy Shield, që ngjasojnë shumë me Kevlar dhe Kevlar+Helmet në CS:GO.
Në fund të ditës, të dyja lojërat mbeten shumë të ngjashme. Mekanikat e lëvizjes dhe goditjes, rrjedha e ndeshjes dhe ekonomia janë aspekte që i bëjnë këto lojëra shumë të ngjashme. Megjithatë, personazhet dhe aftësitë e Valorant i ngjajnë më shumë Overwatch dhe CS:GO dhe padyshim që janë ndryshimi më i madh midis këtyre lojërave. Tani, mbetet të shohim nëse Valorant do të ketë vërtetë aftësinë për të “vrarë” CS:GO.