Këto veçori do ta përmirësonin shumë lojën FPS të Riot Games
Këto veçori do ta përmirësonin shumë lojën FPS të Riot Games
Valorant u lançua mjaft shpejt, duke u njoftuar në tetor të 2019 dhe më pas duke u futur në closed beta në prill, përpara se të lançohej në qershor plotësisht. Fatkeqësisht, ky kalim i shpejtë e ka bërë lojën të ndihet pak bosh dhe lojtarët kanë vënë re që asaj i mungojnë disa veçori. Më poshtë do të shohim pesë veçori, të cilat do ta përmirësonin edhe më tej Valorant.
Edhe pse duket një ndryshim i thjeshtë në teori, ai është pak i vështirë për t’u implementuar në lojë. Një hartë e pestë do t’i jepte lojtarëve mundësi të provonin diçka të re tre muaj pas lançimit të Ascent. Nëse harta e pestë do të vinte, Riot gjithashtu do të kishte më shumë interes të sillte në lojë një opsion që të lejon të zgjedhësh ose të bësh ban harta. Një hartë e pestë gjithashtu do t’i jepte më shumë kuptim esports, me ekipet që janë të detyurar të luajnë sërish në të njëjtën hartë në seritë Best of 5.
Ranked në Valorant ka qënë një temë e nxehtë debati për shumë kohë. Lojtarët kanë kërkuar ardhjen e solo queue në lojë, por zhvilluesti kanë thënë se ata duhet të presin akoma që kjo të ndodhë. Solo queue në lojëra FPS do të ishte një territor i ri, pasi shumë pak prej tyre i japin lojtarëve opsionin të luajnë solo ndaj solove të tjerë. Të luash në ekipe me pesë veta shpesh bën që ranku jot të jetë më i lartë sesa duhet të jetë në të vërtetë dhe në shumë raste ekipet me pesë lojtarë përballen me ekipe që nuk janë premade. Këto probleme do të zgjidheshin me ardhjen e solo queue dhe flex queue, një sistem që ka patur mjaft sukses në League of Legends.
E vetmja mënyrë për të riparë ndeshjet tuaja të Valorant është duke i regjistruar ato. Sistemi i Spectate gjithashtu nuk është perfekt. Të dyja këto probleme do të zgjidheshin nëse Riot do të sillte Replays në lojë. Kjo veçori do të zgjidhte të dyja problemet njëherësh, me lojtarët që do të kenë mundësi të shohin ndeshjet dhe momente specifike nga kënde të ndryshme, në mënyrë që të mësojnë më shumë mbi lojën. Riot e ka konfirmuar ardhjen e kësaj veçorie, prandaj na duhet vetëm të presim.
Një prej veçorive më të mira të ardhura në League of Legends është Clash. Edhe pse pati fillim shumë të vështirë, fakti që çdo muaj brenda në lojë ka tournaments me shpërblime për lojtarët e të gjitha niveleve e ka bërë atë shumë kompetitive dhe argëtuese. Valorant nuk ka shërbime si ESEA dhe FACEIT për CS:GO, prandaj një sistem si Clash brenda në lojë do të funksiononte mirë. Është e sigurt që do të na duhen të paktën disa muaj ose mbase edhe 1 vit përpara se ajo të vijë brenda në lojë, por padyshim që ajo do ta bënte Valorant më kompetitiv.
Edhe pse regjistrimi i goditjeve është problemi më i madh i Valorant, një tjetër problem që nuk është vendosur shumë në dukje është audioja e lojës. Kjo nuk është një veçori e re në lojë, por është më shumë një problem që duhet të rregullohet. Në Valorant, ndodh shpesh që ta kesh të vështirë të kuptosh nëse kundërshtarët po vijnë nga e majta ose nga e djathta jote dhe shpesh duhet të përdorësh njohuritë e tua për hartën dhe zhurmën që bëjnë materiale specifike për të kuptuar pozicionin e kundërshtarit. Gjithashtu, ndodh që kundërshtarët që janë larg të bëjnë të njëjtën zhurmë si dikush që ndodhet fare afër, duke iu ngatërruar edhe më shumë. Rregullimi i audios është një prej prioriteteve të Riot dhe ata kanë thënë më herët se po punojnë për t’a rregulluar atë.