Valorant do të ketë një veçori të ngjashme me Fortnite

Bota e lojës do të ndryshojë me kalimin e kohës

Kur vjen puna tek historia e lojës kompetitive FPS të Riot Games, Valorant, zhvilluesi dëshiron që bota e lojës të evolojë me kalimin e kohës. Pavarësisht se pak nga historia e lojës do të shpaloset në fillim, shumica e saj do të tregohet brenda në lojë, me botën që do të ndryshojë vazhdimisht.

Sipas një interviste, Riot mendon se mënyra se si Epic Games ka implementuar ndryshimet në historinë dhe botën e Fortnite është një shëmbull shumë i mirë i asaj që ata duan të bëjnë me Valorant. Fortnite nuk ka një histori tradicionale shumë të pasur, me vetëm disa personazhe, armë dhe vende që shfaqen herë pas here. Mbase Riot dëshiron të bëjë të njëjtën gjë me Valorant.

Një tjetër shëmbull i një loje multiplayer me histori është Overwatch, ku historia tregohet nëpërmjet cinematics dhe comics. Riot tha se gjithçka që do të vijë jashtë Valorant për sa i përket historisë gjithashtu do të reflektohet ehde brenda saj.