Zbulohet Reyna, agjentja e re që do të vijë në Valorant

Reyna do të jetë agjentja e 11-të e Valorant

Riot Games ka zbuluar zyrtarisht ditën e djeshme agjenten e re të Valorant, duke e çuar numrin e personazheve në lojë në 11. Agjentja quhet Reyna dhe konfirmon leaks që kemi dëgjuar më herët për një personazh të inspiruar nga vampirët. Në trailer-in e ri, ajo shfaqet duke vjedhur jetët e kundërshtarëve.

Edhe pse ende nuk e dinë se çfarë aftësish ka Reyna, me çfarë mund të shohim nga trailer-i më sipër vëmë re se ajo ka një heal dhe një aftësi që e lejon të shohë kundërshtarët më mirë. Ajo gjithashtu hedh një sferë gjigande që duket si syri i Sauron tek Lord of the Rings. Nuk dihet nëse sfera bën blind apo diçka tjetër, por duket qartë se ajo ndikon Jett-in kundërshtar.

Tani për tani, lojtarët duhet ende të presin për të marrë më shumë informacion, si dhe për të mësuar datën e lançimit të Reyna. Pritet që agjentja e re të vijë në lojë kur kjo e fundit të lançohet në 2 qershor.