Valorant thuajse i ka të gjitha, gameplay argëtues, mode të ndryshme dhe një varietet personazhesh. Gjithsesi, siç mund ta dini nëse e keni luajtur FPS e Riot Games, kur eleminoheni nga loja nuk ka asnjë mënyrë për të parë se si vdiqët.
Në dallim nga Overwatch përshembull, Riot Games akoma nuk ka futur një replay system në lojë. Nuk ka asnjë mënyrë për të parë një kill që ti bëre ose që dikush tjetër bëri mbi ty. Në shumë raste lojtarët kanë dashur të zbulojne se nga kanë ardhur të shtënat, ose nëse mund të ketë patur një cheater në lojë.
Në një seancë të Ask Valorant që Riot bëri, u ngrit pyetja nëse Valorant do të merrte një replay system brenda tij dhe përgjigjia ishte po. Madje ky i fundit mund të vijë në lojë së shpejti.
Pyetjes i dha përgjigje Steven Eldredge, një senior producer te Riot Games. Ai tha: “Po! Kjo është diçka që jemi të interesuar të eksplorojmë së shpejti. Nëse do të përdoret për të studiuar ndeshje të mëparëshme ose për të krijuar meme, ende nuk e dimë, por dihet se lojtarët do kënaqen duke e vënë në punë.”
Një tjetër shtojcë e këndshme që do të vijë në Valorant së shpejti është një sistem dhuratash si ai i League of Legends, ku lojtarët do të kenë mundësi të dhurojnë kontent, si një mënyrë e të festuarit të fitoreve, festave ose rasteve të veçanta.