Pak fat i përzier me një gabim nga Riot
Pak fat i përzier me një gabim nga Riot
Valorant, loja FPS e Riot Games, është vetëm një javë larg lançimit të plotë më 2 qershor, por lojtarët po vazhdojnë të tregojnë aftësitë e tyre në closed beta. Ndërkohë që disa po tentojnë të arrijnë ranks të larta, disa të tjerë po tentojnë të arrijnë rekorde vrasjesh.
Një rekord prej 73 vrasjesh u arrit në një lojë në 23 maj. Nuk u përdor asnjë cheat ose exploit, por ky rekord erdhi thjesht si pasojë e aftësive të lojtarëve dhe sistemit të matchmaking të lojës. Lojtari i Breach që arriti këtë rekord shpjegon se si ndodhi gjithçka.
Ai tha se në fillim, ai dhe shokët e tij nuk ishin lojtarë të mirë dhe ende po mësonin lojën. Kjo gjë bëri që ata të përfundonin në Iron 1, rank-un më të ulët në lojë. Në vazhdim, ata filluan të përmirësoheshin dhe të arrinin ranks më të larta, duke shkuar deri në Gold 1.
Sipas lojtarit, edhe pse rank-u i tij po rritej, MMR-ja e tij po qëndronte e njëjta në ndeshje unrated. Kjo bëri që ai të përballej me lojtarë shumë të dobët dhe të sillej sikur të ishte një smurf. Gjithsesi, 73 vrasje mbeten një numër shumë i lartë, sidomos kur merr parasysh se në 25 raunde që u luajtën duhet që lojtari të marrë thuajse në çdo raund tre vrasje.
Disa Ace dhe luftime të mira bënë që ai të arrinte këtë rekord në një ndeshje unrated. Megjithatë, pas kësaj performance, me shumë mundësi ndeshjet e rradhës për lojtarin do të jenë shumë më të vështira.