Komuniteti është shumë i ndarë për sa i përket mënyrës si funksionon recoil në lojë
Komuniteti është shumë i ndarë për sa i përket mënyrës si funksionon recoil në lojë
Valorant është një lojë e ndërtuar rreth gameplay-t taktik dhe punës në ekip. Megjithatë, në një situatë clutch, recoil-i i armëve të Valorant e bën të vështirë edhe për lojtarët më të mirë që të jenë të suksesshëm dhe kjo gjë ka bërë që lojtarët të kërkojnë ndryshime në lojë.
Në një postim në Reddit, një përdorues i ka kërkuar Riot të ndryshojë mënyrën se si recoil funksionon në Valorant dhe duket se një pjesë e madhe e komunitetit bie dakord me të. Sipas tij, kur bën spray me një armë, duhet të presësh 1 sekondë të plotë derisa recoil të rikthehet normalisht dhe ti të kesh mundësi ta shënjestrosh armën sërish aty ku duhet. Sipas tij, koha që duhet që recoil të bëhet reset duhet ulur, në mënyrë që loja të jetë më argëtuese.
Kjo normalisht që ndezi debate në komunitetin e Valorant mbi balancën e gameplay-t taktik dhe mekanikave të armëve. Sipas disa përdoruesëve, ulja e kohës që armët duan për t’u bërë reset do e bënte lojën më argëtuese. Ndërkohë, në krahun tjetër, ka lojtarë që thonë se koha që armët duan për të bërë reset recoil është diçka e mirë, pasi përndryshe ato do të ishin overpowered. Të tjerë ndërkohë thonë se kjo gjë vjen për shkak se Valorant ka qëllim të jetë një lojë taktike dhe jo një lojë ku një lojtar me aim shumë të mirë fiton çdo gjë.
Edhe pse recoil është pak i çuditshëm në lojë, lojtarët kanë gjetur mënyra për ta ulur efektin e tij, si përshembull shtënia kur nuk po ecen, shikimi i tytës së armës dhe adaptimi etj.