Ranked në Valorant do të vijë sot ose gjatë kësaj jave

Zhvilluesit e Riot zbulojnë datën e lançimit të Ranked

Bëhuni gati lojtarë të Valorant. Zhvilluesi i lojës Nick Wu hodhi dritë mbi ranked dje, duke shpjeguar se mode-i kompetitiv i Valorant do të vijë së shpejti.

Sipas tij, Ranked do të vijë kur Patch 0.49 të jetë në një gjendje stabël. Pra, nëse duket që ai është që sot stabël, Ranked do të vijë sot. Në të kundërt, pritet që ai të vijë gjatë kësaj jave.

Riot foli javën e kaluar për sistemin kompetitiv të lojës. Valorant do të ketë tetë ranks që nisin nga Iron dhe përfundojnë me Valorant. Fitorja e ndeshjeve do të ketë peshën më të madhe, por performanca e lojtarit është gjithashtu e rëndësishme. Sa më mirë të luash, aq më shpejt do të rritesh në ranks. Ndërkohë, një lojtar që performon keq në humbje gjithashtu do të humbasë shumë ranks. Kjo padyshim që do t’i ndihmojë lojtarët që performojnë mirë edhe nëse kanë një ekip të dobët.