Riot ka në plan ta sjellë shooter-in e tyre edhe në platforma të tjera
Riot ka në plan ta sjellë shooter-in e tyre edhe në platforma të tjera
Valorant i Riot Games tashmë ka ardhur në closed beta, duke patur mijëra lojtarë në mbarë botën. Edhe pse loja momentalisht është lançuar vetëm në PC, janë zbuluar shenja që të bën të mendosh se Valorant do të vijë së shpejti edhe në PS4 dhe mobile.
Lajmi vjen nga një leaker i Valorant, i cili thotë se ka gjetur files që të bëjnë të mendosh se një version për PS4 i lojës do të vijë në të ardhmen. Riot Games tha se fokusi i tyre momentalisht është në PC, por se ka mundësi që loja të vijë edhe në platforma të tjera në të ardhmen. Duke qënë se studio po punon për versione mobile të League of Legends, Legends of Runeterra dhe Teamfight Tactics, nuk do të ishte çudi që edhe Valorant të vinte.
Disa javë më parë një lojtar zbuloi controls për mobile në versionin për PC të Valorant, ndërkohë që tani kemi leaks që thonë se loja pritet të vijë edhe në PS4, iOS dhe Android sipas leaker-it.
Riot ka kërkuar për zhvillues për të sjellë lojërat e tyre në konsola të ndryshme. Me Riot që aspiron të sjellë League of Legends në PS4, Xbox One dhe mbase edhe Nintendo Switch, ekziston mundësia që e njëjta gjë të ndodhë edhe me Valorant. Megjithatë, nuk ka asnjë raportim për një version për Xbox One të Valorant.