Valorant mund të ketë të njëjtin progresion si League of Legends

Sistemi i LoL duket se funksionon mjaft mirë

Valorant është loja e re nga Riot Games, por tashmë që zhvilluesit kanë shpenzuar 11 vite duke punuar me League of Legends, ka shumë kuptim që në fillim Valorant të marrë disa prej sistemeve dhe funksioneve të League of Legends.

Në një video nga kryeredaktori i IGN Nordic Nick Nijland dhe redaktori tjetër i IGN Sven Rietkerk, ata folën më në detaj mbi sistemin e progresionit të Valorant. Informacioni i tyre u mblodh nga testimet dhe intervistat me zhvilluesit e Riot.

Fokusimi në agjentë të veçantë do t’i japë lojtarëve eksperiencë si dhe do i lejojë të marrin shpërblime Skin-et e personazheve nuk janë në fokusin e Riot, prandaj cosmetics me shumë mundësi do të përdoren vetëm për agjentë të veçantë.

Nëse ju pëlqen të përdorni personazhe të ndryshme, pritet që loja të ketë misione për lojtarët, duke i shpërblyer ata me monedha brenda lojës. Kjo është deri diku e ngjashme me sistemin e League of Legends, ku çdo fitore e parë e ditës të jep ty XP dhe Blue Essence.

Thuhet se Valorant nuk do të ketë loot boxes. Lojtarët do të kenë gjithmonë mundësi të shohin se me çfarë do të harxhojnë paratë e tyre. Cosmetics variojnë nga skin-et për armët tek hajmali të vogla si në Apex Legends dhe CSGO.

Duke qënë se është një shooter taktik, është e sigurt që loja do të ketë një mode ranked. Megjithatë, ai nuk pritet të vijë me lançimin e lojës, por rreth fundit të 2020.

Me Riot që ka implementuar një sistem funksional ranked prej vitesh në LoL, ka shumë mundësi që rank-et nga Iron në Challenger të vijnë edhe në Valorant.

Loja ende nuk është e përfunduar. Vetë menaxheri i produkteve të Riot Zulu tha në Reddit se edhe pse videoja bën një punë shumë të mirë për të shpjeguar progresionin, jo i gjithë informacioni është i saktë. Ai tha se Riot është entuziast për t’i treguar lojtarëve më shumë për Valorant, por nuk dha një datë se kur do të ndodhte kjo.