Janë raportuar probleme performance dhe me regjistrimin e goditjeve
Janë raportuar probleme performance dhe me regjistrimin e goditjeve
Lojtarët e Valorant ishin gati për të festuar ardhjen e ranked mode në Patch 1.02, por loja ka patur probleme të shumëta që e kanë nisur keq sezonin ranked në lojë. Këto probleme ishin nga më të ndryshmet, duke nisur nga problemet e performancës kur në ekran shfaqeshin shumë aftësi të ndryshme.
Loja në fakt ka patur probleme me FPS që prej lançimit në closed beta, por një tjetër problem i madh ka qënë ai i regjistrimit të goditjeve. Në maj, Riot Games rregulloi një problem në lidhje me regjistrimin e goditjeve në Valorant. Për disa patch-e nuk kishte probleme, por lojtarët kanë filluar t’i raportojnë sërish ato që prej ardhjes së Patch 1.02. Disa thonë se headshots nuk regjistrohen kur një lojtar është ulur. Ata thonë se gjaku shpërthen dhe zhurma dëgjohet, por ato regjistrohen si body shots.
Kjo ka sjellë shumë probleme, duke qënë se armë si Vandal dhe Phantom zakonisht mund të të vrasin me 1 headshot. Kur një lojtar shikon se ka kapur headshot, ai me shumë mundësi do të kthehet për të vrarë një kundërshtar tjetër, duke mos e ditur që kundërshtari i tyre është akoma gjallë.
Riot me shumë mundësi do t’i rregullojë këto probleme në patch-in e ri, por fakti është që Valorant duhet të ishte gati për lançimin e ranked.