Morello ka folur për ndryshimet që pritet të vijnë në të ardhmen në Valorant
Morello ka folur për ndryshimet që pritet të vijnë në të ardhmen në Valorant
Duke marrë parasysh se sa të rëndësishëm janë agjentët që zgjedh në Valorant, Riot ende po përpiqet të arrijë balancën në lojë. Për këtë arsye, shumë prej patch-eve të Valorant janë fokusuar në ndryshimet e agjentëve me buffs dhe nerfs të ndryshme. Edhe pse Killjoy është padyshim tema më e folur, në lojë gjithashtu pritet të vijnë ndryshime që do të ndryshojnë meta-n.
Përeç ndryshimeve të Raze të përmendura më parë, Morello tha se do të ketë ndryshime edhe për agjentë të tjerë, me Sentinels që do të preken më shumë. Sage do të bëhet “sidegrade”, pra disa aftësi të saj do të bëhen nerf, ndërkohë që të tjera do të bëhen buff. Në anën tjetër, Morello tha se po punohet edhe me Cypher, për të cilin pritet të vijnë nerfs.
Morello gjithashtu tha se Viper do të bëhet sërish buff. Sipas tij, ndryshimet ishin të mira po jo aq të fuqishme sa priteshin dhe për këtë arsye do të vijnë të tjera ndryshime për të.
Si përfundim, në lojë gjithashtu do të vijë një buff për Breach, me Morello që tha se qëllimi është të përmirësohet mënyra se si Breach ndihmon ekipin e tij. Gjithashtu, glitch-i i Omen që e lejon atë të shohë përmes smoke do të rregullohet në të ardhmen.
Ende nuk dihet se kur do të vijnë në Valorant ndryshimet për të cilat Morello foli gjatë stream-it.