Riot thotë se lojtarët duhet të bëjnë më shumë se thjesht çaktivizimi i bombave
Riot thotë se lojtarët duhet të bëjnë më shumë se thjesht çaktivizimi i bombave
Pas zbulimit të gameplay-t të Valorant më herët, fansat vunë re se loja FPS e Riot është inspiruar dukshëm nga CS:GO për game mode-in debutues.
Megjithatë, dizenjuesi i Valorant Trevor Rolemski tha në një intervistë që edhe pse loja do të lançohej fillimisht me formatin Search and Destroy, zhvilluesit janë të hapur për të eksploruar më shumë modes pas lançimit.
Duke parë se Valorant po shënjestron një zhanër të dominuar nga CS:GO, bën shumë sens që Riot dëshiron që Valorant të prezantohet sa më mirë kur të lançohet në 2020.
David Nottingham, një drejtor kreativ i Valorant, tha se ekipi vendosi gameplay-n të parin dhe më pas krijoi një lojë bazuar tek kjo. Ai shpjegoi se pati një qasje thuajse analitike për t’u siguruar se gameplay ishte aq perfekt sa duhet. Drejtuesi gjithashtu tha se agjentët e lojës do të kenë historinë e tyre interesante dhe arsyet se pse po luftojnë.
Jashtë aftësive speciale të agjentëve, ajo që e bën Valorant interesante është fakti se është fokusuar shumë tek dizajnet unike të hartave. Me sa kemi parë nga Bind dhe Haven, dy hartat e testuara, loja nuk e ka ruajtur sistemin standard të tre lane që kanë zakonisht hartat në CS:GO. Bind nuk ka mid lane dhe ka teleportues, ndërkohë që Haven e thekson më shumë mid lane nëpërmjet një tjetër vendi për të vendosur bombën.
Riot duket se është i vendosur ta bëjë Valorant lojën më të madhe të zhanrit të shooters taktik, duke e bërë lançimin e lojës sa më të rafinuar.