Çfarë ne dimë është se, për fat të keq, ende nuk kemi marrë një datë të lançimit për versionin e konsolit të Valorant apo edhe konfirmimin e plotë se loja do të dalë në Xbox ose PlayStation.
Ajo që ne dimë, është se Riot ka punuar për një version të lojës për ca kohë dhe po kërkon të replikojë përvojën që kanë lojtarët në PC. Në një intervistë me US Gamer, Drejtori i Lojës, Joe Ziegler konfirmoi se Riot ka “skuadra që po punojnë për këtë çështje tani”.
Po ashtu në një intervistë për Gamespot, Producerja Ekzekutive e Valorant, Anna Donlon, ndau disa lajme që duhet të bëjnë lojtarët e konsolave të ngazëllyer për të ardhmen, por ata nuk duhet të presin ndonjë gjë tani afër.
“Kjo është një nga temat më të diskutueshme që unë kam parë”, u përgjigj Donlon kur u pyet për planet për një port në konsolë. “Unë e kuptoj plotësisht pse. Është e diskutueshme nga brenda edhe për ekipin tonë. Ne po e testojmë një prototip për atë tani.”
Për një FPS-në taktike që kërkon saktësi të lartë, lojtarët e controllers mund ta gjejnë veten duke hasur vështirë në nxehtësinë e momentit, gjë që ka të ngjarë të bëjë me polemikën e vazhdueshme mes pc vs console.
“Ka një mënyrë për të luajtur këtë lojë dhe ka një mënyrë për ta testuar këtë lojë që ne nuk jemi plotësisht të sigurt që përkthehet plotësisht për gameplay në console”, shtoi ajo. “Dhe ne me të vërtetë besojmë se mënyra se si do të luhet kjo lojë është një e nivelit të lartë dhe me integritet kompetitiv.”
Sipas producentes, Riot është i shqetësuar për lojtarët që ndihen sikur dikush me të cilin po luajnë ka një avantazh për shkak të platformës në të cilin po luajnë. Thënë kjo, ajo beson se skuadra do e përballojë këtë sfidë pavarësisht se qëndron e kujdesshme.
“Unë mendoj se ka diçka për të ‘zbuluar’ që skuadra jonë është me të vërtetë e ngazëllyer për ta bërë. Tani që kemi thënë këtë, nëse ndjehemi të sigurt ne mund ta ofrojmë këtë përvojë në ato platforma që do të bëjmë. Ne natyrisht që do e bëjmë.”
Sidoqoftë, ajo më tej paralajmëroi që nëse ekipi e ndjen nevojën për të kompromentuar përvojën aq shumë sa që “nuk ndjehet më si e njëjta lojë”, atëherë ata “do të shkojnë ta bëjnë atë lojë dhe ta vendosin atë në konsolë.”
“Do të kemi diçka tjetër që bëjmë”, shtoi ajo. “Por ne me të vërtetë duam që Valorant të qëndrojë për një lloj të caktuar të gameplay-it dhe një lloj të caktuar përvoje dhe ne dëshirojmë që ajo përvojë të ndihet në çdo platformë ku luhet. Nuk është një “jo” dhe ne kemi designer të entuziazmuar për të vërtetuar se kjo është e mundur për ne.”