Tani ju mund të fluturoni nëpër hartë pa pengesë
Tani ju mund të fluturoni nëpër hartë pa pengesë
Lojtarët e Valorant kanë gjetur një bug mjaft të madh, i cili i lejon ata të fluturojnë në hartë në ndeshje normale. Ky glitch ka ardhur pasi Patch 1.02 erdhi në serverat e lojës.
Ghost mode është i rezervuar për ndeshje custom, ku lojtarët mund të aktivizojnë cheats dhe mund të fluturojnë në hartë për të eksperimentuar. Megjithatë, lojtarët që kanë bërë bind ghost mode në tastierë ose mouse mund ta aktivizojnë atë në ndeshje publike. Një lojtar tregon se mendon se morri një report për hacking kur e aktivizoi ghost mode padashje në lojë.
Ky është një bug mjaft problematik, i cili i lejon lojtarët të arrijnë në kënde të pamundura dhe të vrasin kundërshtarët papritur. Pritej që Ranked të vinte në Valorant gjatë këtij patch-i, por nëse ky bug nuk rregullohet ekziston mundësia që lançimi i Ranked të shtyhet. Riot ende nuk ka folur për këtë bug.