Ky mode do të vijë në Europë në orën 02:00
Ky mode do të vijë në Europë në orën 02:00
Free-for-All Deathmatch më në fund ka ardhur në serverat e North America, Brazil dhe Latin America në Valorant. Ky mode po lançohet në kohë të ndryshme në botë për shkak të pritshmërive të larta që ka Riot për numrin e lojtarëve dhe për shkak se po prioritizojnë serverat e lojës standarte. FFA Deathmatch do të vijë në Kore, Japoni, Oqeani dhe Azi në orën 23:00, ndërsa në Europë, CIS, Turqi dhe Rusi në orën 02:00 nesër.
Ky mode do t’i japë mundësinë lojtarëve të testojnë aftësitë e tyre me armët pa u shqetësuar për të aftësitë e agjentëve, Spike ose economy.
Ju mund të fitoni në FFA Deathmatch duke arritur 30 vrasje ose numrin më të lartë të vrasjeve brenda 6 minutave. Çdo kundërshtar që vdes jep një health pack që të jep 150 jetë, duke i lejuar lojtarëve të jenë agresivë gjatë gjithë kohës.
Lojtarët gjithashtu do të bëjnë respawn me kurriz nga muri pas 3 sekondash dhe do të kenë 8 sekonda ku nuk do të marrin damage. Kjo ju lejon të ndërroni armët, por nëse lëvizni ose gjuani mund të merrni damage.
FFA Deathmatch gjithashtu do të ketë një UAV që tregon pozicionin e çdo lojtari çdo 5 sekonda në Valorant, gjë që ju detyron të luani agresivë.
FFA Deathmatch do të jetë një mode casual, njësoj si Spike Rush dhe Unrated, dhe nuk do të ndikojë në rank-un tuaj. Ky mode padyshim që do të preferohet nga lojtarët që kërkojnë të nxehen përpara një ndeshjeje.