Një set i ri Cyber Punk do të vijë në Valorant së shpejti

Janë gjetur disa files që hedhin shenja drejt këtij seti

Valorant ka qënë mjaft popullore që prej lançimit, me shumë lojtarë që po përpiqen të mësojnë lojën FPS të Riot Games. Si në çdo lojë tjetër, edhe në Valorant ka skins për armët, me setin e parë Ultra-Edition të quajtur Elderflame që erdhi më 10 korrik në lojë. Gjithsesi, duket se së shpejti do të kemi një tjetër set që do të vijë në lojë.

Një set i ri i quajtur Cyber Punk do të jetë seti i ardhshëm që pritet të vijë në lojë. File-t me këtë emër u zbuluan nga ValorantExpress, të cilët gjithashtu treguan armët që pritet të marrin këto skins.

Pritet që këto skins të vijnë në lojë pas rreth dy javësh, më 24 korrik, nëse marrim parasysh kohën që i shtë dashur seteve të tjera që do të vijnë në lojë. Seti Cyber Punk pritet të ketë skins për Judge, Odin, Frenzy, Bulldog dhe thikën.

Edhe pse nuk dihet nëse do të jetë një bundle Ultra-Edition, Riot ka thënë më herët se ka në plan që skinet e armëve të bëhen më të çuditshme në të ardhmen.