Ranked në Valorant po merr disa ndryshime
Ranked në Valorant po merr disa ndryshime
Valorant Act 2 do të sjellë disa ndryshime për Competitive në lojë, përfshirë këtu ardhjen e Act Ranks, një simbol i profilit tuaj i cili tregon performancën tuaj gjatë një Act të caktuar. Ardhja e Act 2 gjithashtu do të sjellë në Valorant opsionin për të parë match history të shokëve tuaj dhe Riot ka konfirmuar se rank-u juaj do të marrë një soft reset në nisjen e çdo Act.
Act Rank ka një formë trekëndore me 9 vende, e cila tregon fitoret tuaja më të mira në Competitive. Kjo ju lejon të tregoni nivelin tuaj më të mirë dhe fsheh ndonjë rënie të vogël. Pra, nëse fitoni 9 lojëra në Gold 1 dhe më pas bini Silver sërish, Act Rank do të tregojë fitoret tuaja në Gold 1. Act Rank gjithashtu merr borders të reja kur arrini 9, 25, 50, 75 dhe 100 fitore në rank-un tuaj.
Rank-u juaj do të ulet pak midis çdo Act, por për të filluar sërish në Act-in e ri duhet që të luani vetëm tre ndeshje dhe jo pesë. Gjithashtu, placements do t’ju lejojnë të arrinit rank-un tuaj të mëparshëm më shpejtë, pasi sistemi do të ruajë MMR tuaj nga Act-i i kaluar.
Sipas Riot, Match Rank do të jetë disa tiers poshtë Act Rank-ut të kaluar, por lojtarët gjithsesi mund të arrijnë shumë shpejt në nivelin që ishin.