Në Twitch loja arriti 470 milionë orë shikueshmëri
Në Twitch loja arriti 470 milionë orë shikueshmëri
Beta e Valorant ishte e mbyllur, por shumë lojtarë arritën të merrnin keys për lojën dhe lojtarët nuk ngurruan aspak për ta provuar lojën, e cila mesa duket iu pëlqeu shumë. Riot thotë se mesatarisht mbi 3 milionë lojtarë luajtën çdo ditë në beta-n e Valorant.
Beta e Valorant gjithashtu arriti të tjera shifra të mëdha. Shikueshmëria në Twitch arriti shifrën e çmendur të 470 milionë orëve shikueshmëri, me 34 milionë që u arritën brenda një dite. Në kulmin e lojës, 1.7 milionë njerëz po shikonin streams të Valorant njëherësh.
CS:GO, konkurrentja më e madhe e Valorant, gjithashtu po ecën me hapa të mira. Në mars loja arriti më shumë se 1 milionë lojtarë, 8 vite pas lançimit. Ajo mbetet një prej lojërave më popullore në Steam, duke qënë shpesh herë në vend të parë. Valorant tani për tani mund të tërheqë shumë lojtarë, por pritet të shohim se sa sukses do të ketë loja në planin afatgjatë.
Lojtarët do të mund të luajnë sërish Valorant kur loja të lançohet zyrtarisht më 2 qershor.