Mund të mos e keni vërejtur Valheim gjatë javëve të fundit, por ajo është një lojë co-op survival që u shfaq nga hiçi dhe tani është një nga hitet me rritjen më të shpejtë në Steam. Në më pak se tre javë që pas lançimit të saj në early access, zhvilluesi Iron Gate AB njoftoi se: “Valheim është blerë mbi tre milionë herë.”
Është e vështirë të shpjegosh pse Valheim u bë kaq e pëlqyer papritur. Ajo ka qenë shumë popullore mes streamers dhe momentalisht është loja e shtatë më e luajtur në platformë, duke kaluar kështu CS:GO, Dota 2, Minecraft dhe Rust, për momentin të paktën.
Ritmi i saj nuk duket se po ngadalëson dhe në 24 orët e fundit ka patur një maksimum prej 390,000 lojtarësh.
Cilatdo qofshin arsyet për suksesin e saj, Valheim është një lojë shumë e mirë, që praktikisht injoron pjesët e mërzitshme të lojërave survival dhe fokusohet te pjesët argëtuese.