Kohët e fundit kemi parë shumë kontradita mes krijuesve të kërcimeve ikonike dhe videolojërave që i kan inkorporuar ato në përmbajtjen e tyre. Deri diku acarimi i tyre vjen me të drejtë dhe fakti që US Copyright Office ka refuzuar ta regjistrojë Alfonso Ribeiron si pronarin e ‘Carlton Dance’ nuk do i ndihmojë shumë.
Arsyeja e këtij vendimi është më së shumti teknik i fokusuar në përkufizimin e fjalëve “punë koreografike”. Në një letër të drejtuar avokatëve të Ribeiros, Saskia Florence, një specialist i fushës i përshkruan tre hapat kryesorë të kërcimit si një rutinë dhe thotë se nuk mund të klasifikohen si një punë kreografike. Florence shpjegon se ligjet e tanishme nuk kanë patur kurrë për qëllim të mbrojnë lëvizje elementare që nuk përfshijnë elementët vërtet të veçantë të një kërcimi.
Gjithsesi vendimi i zyrës nuk mban të njejtën peshë ose fuqi si ai ligjor. E ardhmja e këtyre kërcimeve qëndron ende në ajër. Ribeiro po padit edhe Take Two edhe Epic për përdorimin e Carlton dhe kjo ndodhi nuk do të thotë që padia e tij hidhet poshtë ose që ai nuk ka më shpresa për ta fituar gjyqin. Për më shumë rreth temës, shikoni videon e një avokati të specializuar më poshtë.